H1N1 хүний тоо 473 боллоо

hmjg

2009 оны 10 сарын 28

Томуугийн А хүрээний H1N1 вирусээр өвчилсөн хүний тоо өчигдрийн байдлаар 392 байсан бол өнөөдөр өглөө 473 болж өслөө. “Тэдгээр хүмүүсийн  91 нь Халдварт өвчин судлалын үндэсний төвд хэвтэн эмчлүүлж байна. Хэвтэн эмчлүүлж байгаа хүмүүсээс зургаан хүний бие хүндэвтэр байгаа” гэж ХӨСҮТ-ийн эмч Ч.Уртнасан хэллээ. Мөн орон нутагт өвчлөл нэмэгдэж байгаа аж. Одоогоор есөн аймагт өвчлөл гарсан нь албан ёсоор тогтоогдоод байна. Нас барсан хүмүүсийн тоог Эрүүл мэндийн яамнаас албан ёсоор дөрөв гэж мэдээлж байгаа. Гэхдээ нэг хүний нас баралтын шалтгааныг томуутай холбон үзэж буй. ЭМЯ-ны ажлын хэсгийнхэн өвчлөл нэмэгдэж байгаа Дархан-Уул, Орхон аймагт ажиллаж байна.
Б.Ганаа