Зүйр цэцэн үг8

hmjg

Түмэн дүрэмгүй хүнээс төр ёс мэдэгч ганц дээр

Түмэн түүхий хүнээс төр ёсыг мэдэгч хүн дээр

Хэрэг удавч ялзрахгүй
Хэрээ өтлөвч бууралтахгүй

Хэрэг хийгээгүй бол хэнгэрэг дэлсэхгүй

Хэрэг хиртэхгүй
Хууль хуучирахгүй

Хэвээ сахиж явбал хэрэгт орохгүй

Цай аягалахгүй дайлах, малгай өмсөхгүй золгохтой адил



Итгэлийг олоход үнэн хэрэгтэй
Эндүүг халахад шударга хэрэгтэй.

Энэ бие хэврэг
Эрхэм нэр мөнх.

Ажилч хүний алдар мөнх
Ачит эхийн гавьяа мөнх.

Төрхмөө голсон хүүхэн муу
Төрлөө голсон хөвгүүн муу.

Хийгээгүй байж хөөрөх муу
Хийсэн гэж бардамнах муу.

Хурц хутга гарт халтай
Худал үг өөрт халтай.

hmjg

Нэр хугарснаас яс хугарсан дээр.

Хэлбэл няцаж болохгүй
Хийвэл буцаж болохгүй.

Үнэн юм үнэндээ сайхан
Үнэгэн малгай өвөлдөө сайхан.

hmjg

Сургаалгүй эм хазааргүй гүү хоёр адил

Учир мэдэхгүй хүнд сургаал үг хэлэх
Ургац үзэхгүй газар тариа хаясантай адил
      
Үг мэдэхгүй хүнд үг хэлэх үхрийн эвэрт тариа цацсан адил
Үг мэдэхгүй хүнд хэлсэн үг үнсэнд хаясан сувд адил

Зөв үг зүйлийн цэцэг адил

Зөв үг хурц хутга адил

Хулгайтай нийлсэн чонотой нийлсэн хоёр адил

Сайн үг мартагдашгүй
Саар үг санагдашгүй

Хүн хэдий сайн ч хэлэхээс нааш санахгүй
Цаас хэдий нимгэн ч чичихээс нааш цоорохгүй

Цэцэн үг цээлээс гүн
Зүйр үг зүүнээс хурц

Аавын сургаал алт
Ээжийн сургаал эрдэнэ