Дууны үг19

hmjg

Хань минь

Үг П.Батсайхан Ая С.Батсүх Долоовор хуруундаа зүүний сорвитой Дээлийнхээ энгэрт сүүний үнэртэй Орсон гарсанд дуутай цайтай Олонтой явахын заяа түшсэн       Ай даа хань минь чи наддаа       Амьдрал ивээх нар минь юм даа Цагийн урсгалаар хайр минь лавшраад Цайны чинь амтанд хамт сүлэгдээд Цуварч уурлаж цугтаа инээж Цаанаа чи минь намбатай л болжээ       Ай даа хань минь чи наддаа       Амьдрал ивээх нар минь юм даа Өсөж торнисон үрсээ гэсээр Өлгийтэй байхаас нь илүүтэй зовох юм Өөдөсхөн жаахан ачаа үзэхээр Өөрөөс нь илүүтэй хайртай л болноо       Ээ дээ хань минь чи үрдээ       Эргэж заяахгүй ээжий л юмаа       Ай даа хань минь чи наддаа       Амьдрал ивээх нар минь юм даа

hmjg

Ханьдаа өргөх дуу

Үг Ж.Бадраа   Ая Б.Энхтайван Бадмаараг эрдэнийн нар байгаагүйсэн болбол хө Бараахан хорвоог гэрэлтүүлэх нь юу билээ хө Багын минь хань чамтай учраагүйсэн бол Бартаат хол замыг яаж туулахсан билээ дээ хө Багын минь хань чамтай учраагүйсэн бол Бартаат хол замыг яаж туулахсан билээ дээ хө Ундарсан булгийн охь ундрагагүйсэн болбол хө Униартсан хорвоог гийгүүлэх нь юу билээ хө Ухаант хань минь чамтай учраагүйсэн бол Уруу өөд замыг яаж туулахсан билээ дээ хө Ухаант хань минь чамтай учраагүйсэн бол Уруу өөд замыг яаж туулахсан билээ дээ хө Зандны үнэр тээх агааргүйсэн болбол хө Замбуулин их хорвоод амьсгалах нь юу билээ хө Заяат хань минь чамтай учраагүйсэн бол Зангилаат их замыг яаж туулахсан билээ дээ хө Заяат хань минь чамтай учраагүйсэн бол Зангилаат их замыг яаж туулахсан билээ дээ хө

hmjg

Ханьдаа өргөх дуу

Үг Л.Агваанжамбал   Ая Г.Явгаан Оюу номин эрдэнийн өнгөөр туяарсан Оргил сарьдаг уулсын сүрлэг нутаг минь Онцгой бахдал гүнзгий баясал үүсгэсэн Орчлонд золтой нэгэн насны учрал аа Цэвэр мөнгөн хурын дуслаар ундаалсан Цэцэг адил угийн гоолиг амраг минь Цэцэн санаа чинхүү журмыг хослуулсан Цээжинд бахдалтай үнэн хайрын учрал аа Зүрхэнд уусах сайхан бүхнийг хураасан Зүйрлэн жиших ижил үгүй хонгор минь Зүүдийг биелүүлж үүдээ нээсэн чинийхээ Зүйтээ гарын чинь сүүтэй цайг ууя уу,би

hmjg

Ханийн тэнгэр

Үг Д.Дашдондов   Ая Н.Чулуунхүү Цайныхаа дээжийг тандаа барья даа Цамцны чинь товчийг бөхлөөд өгье дөө Цагаан дарь эх шиг сайхан ээжийг тань Цайлган сэтгэлээрээ асраад явъя даа        Дэргэд та минь байгаа болохоороо        Дээшээ тэнгэр алсгүй еэ хө Ээжийн чинь үгүйд ээж чинь байя даа Энгэр юугий чинь хайраар мялаая даа Эрийн хийморь малгай бүсийг чинь Эцгийнхээ хөөрөг шиг дээш нь залъя даа        Хажууд та минь байгаа болохоороо        Хатан дэлхий хатуугүй еэ хө Дэлгэрхэн хайраа дэлгэж ивээе дээ Дээлийн чинь сугыг товчлоод өгье дөө Дэндүү дэврүүн аашилбал даа хө Дэрэн дээрээ шивнэж хэлье дээ      Дэргэд та минь байгаа болохоороо      Дээшээ тэнгэр алсгүй еэ хө

hmjg

Сэтгэлийн хань

Үг М.Жаргалсайхан   Ая Д.Чулуун Дээл нэвтлэн жиндээсэн Дэнжийн жавартай хорвоодоо Дэврүүн насны аагаар ажраа нь үгүй явлуу даа Дээдлэх хайрын сэтгэлдээ уярлын учгийг хөглөөд Дэргэд минь нөмөртэй яваасай гээд Дэндүү чамдаа итгэл үү дээ Аа-итгэл үү дээ Дэлхий дэвтээж ивлэсэн Тэргэл хаврын бороонд нь ээ Дэлгэр талын энгээр агь нүдлэхийг мэдлүү дээ Дэндүү ч уяхан сэтгэлдээ хайрын дээдийг шингээгээд Дэм дэмэндээ түшигтэй ханьсаж явъя даа хоёулаа Аа-хань минь дээ Тоонот гэрийнхээ сүлдийг өргөж явах заяатай Тоотой насны хайраа амлаж чамдаа өглүү дээ Тоостой шаргал дэлхийдээ жаргаж л зовж л явлаа ч Нартад ганцхан чамайгаа Хайрлахын дээдээр хайрлая даа Аа-хайрлая даа

hmjg

Сэтгэлийн эгшиг

Царайны чинь сайханд дассан юмсан хонгор минь Цагийн аясыг дагаад л учирсан юмсан даа Заяаны ханиа олсонгүй дээ хорвоо минь Замбуулингийн наран доор төөрч л явна аа        Дурлаж догдолсон сэтгэлээ        Дутуу орхиод буцъя даа        Дуусашгүй хүслээ би        Дуундаа шингээж үлдээе дээ Харцны чинь талимаанд дассан юмсан хонгор минь Хан хорвоогийн жамаар л хайрласан юмсан даа Ханьсахын заяа дутсан ч юм уу хорвоо минь Хайлган цагаан сэтгэл минь өнчрөөд байна даа        Дурлаж догдолсон сэтгэлээ        Дутуу орхиод буцъя даа        Дуусашгүй хүслээ би        Дуундаа шингээж үлдээе дээ Уужим цэнхэр орчлонг чамгүйгээр туулавч Учирлын алтан үеэ дуулан дурсаж явъя даа Сайхан хонгор чи минь эргэж наддаа ирэхгүй ч Санаан зоргоор мартчихаж чадахгүй л юм даа        Дурлаж догдолсон сэтгэлээ        Дутуу орхиод буцъя даа        Дуусашгүй хүслээ би        Дуундаа шингээж үлдээе дээ

hmjg

Ухаант ханийн дуу

Үг-Ш.Бадарч       Ая-Амарсанаа Цагаан уул цэцэг нь цэцгэн дундаа чимэгтэй Цагийн зөөлөн салхинаа ганхав уу, үгүй юу Цаглашгүй хайрын ундраа хүний алаг үр минь Царайлаг төрсөн чи минь тусах нүдэнд минь чимэгтэй Алтан сарнай цэцэг нь цэцгэн дундаа үзэмжтэй Аясын зөөлөн салхинаа ганхав уу, үгүй юу Алаг зүрхний алдрай ухаант хань чи минь Амин хайрын дуу шиг сонсох чихэнд минь чимэгтэй Сайхан цээний цэцэг нь цэцгэн дундаа чимэгтэй Салхины үзүүр дагаад ганхав уу, үгүй юу Сарны дор ерөөлтэй сайн хань чи минь Сайхан санаа хайр чинь ариухан балын амттай

hmjg

Ханийн сэтгэл

Үг Д.Жамъян Ая Ц.Ганбаатар Холын холоос нисэн ирсэн Хоёр ангир нууранд байна Хослон нийлэн хүслээ өгсөн Хонгор сэтгэл чамдаа байна Хослон нийлэн хүслээ өгсөн Хонгор сэтгэл чамдаа байна Алсын алсаас нисэн ирсэн Алаг нугас нууранд байна Анхны шивнээнд алдарч явсан Амраг сэтгэл чамдаа байна Анхны шивнээнд алдарч явсан Амраг сэтгэл чамдаа байна Хаврын сардаа нисэн ирсэн Намрын шувууд зэллээд байна Хайрын чинь илчэнд хайрлан уярсан Ханийн сэтгэл надад байна Хайрын чинь илчэнд хайрлан уярсан Ханийн сэтгэл надад байна

hmjg

Заяаны хань

Үг Ц.Чимэддорж   Ая Н.Чулуунхүү Дууны ихэр бадаг шиг Дундаа салхигүй явъя Бүтэн халуун сэтгэлдээ Бөртийх үүлгүй жаргая даа Замбуулинд ерөөлөөр учирсан Заяаны ганцхан хань минь дээ Эзэн хоймроо чилээхгүй Өлзий мөртэй явъя Эмээлийн хоёр бүүрэг шиг Эгнэгт хамтдаа байя даа Замбуулинд ерөөлөөр учирсан Заяаны ганцхан хань минь дээ Тотго босго хоёр шиг Дэм дэмэндээ явъя Тооноо мялаасан хадган дор Дэнжийн жаргалаа эдлэе дээ Замбуулинд ерөөлөөр учирсан Заяаны ганцхан хань минь дээ