Дууны үг(歌词)7

hmjg

Халтар манан хөөрөг

Эргэн эргэн золгох бүрийдээ Эрдэнийн чулуун хөөрөг зөрүүлнэ Эцэг өвгөдийн заншил сахисан Эрхмийн дээд заяа юмаа хө Хайртай аавын минь үнэр шингэсэн Халтар манан хөөрөг юмаа хө Учран учран золгох бүрийдээ Уран чулуун хөөрөг зөрүүлнэ Эрийн жудгаар нөхрөө хүндэлсэн Энэхэн сэтгэлийн уянга юмаа Хайртай аавын минь үнэр шингэсэн Халтар манан хөөрөг юмаа Ахин ахин золгох бүрийдээ Алтнаас цэнтэй хөөрөг зөрүүлнэ Амин хэлхээ нутгаа сахисан Андгай журмын жаяг юмаа хө Хайрхан уулын минь бүтэн хэлтэрхий Халтар манан хөөрөг юмаа хө Хайртай аавын минь үнэр шингэсэн Халтар манан хөөрөг юмаа хө

hmjg

Нутаг минь ижий минь

Үг. Р.Ренчинмядаг     Ая Б.Магсаржав           Уул уулнаас содон Хоргын хүрмэн тогоо Ус уснаас тунгалаг Тэрхийн цагаан нуур аа Зунаар цас будравч Сэтгэлд нэг л дулаахан Зуун бээрийн алсаас Дэргэд нь юм шиг санагдана даа Үеэс үедээ залгуулсан Өвөг дээдсийн голомт Үрээс үрдээ өвлүүлсэн Өрлөг түүхийн өлгий еэ Холоос ирсэн шувууд Хоргодоод үлдэхийг харлаа Хонгор балчир насандаа Даанч зүггүй явлаа даа Хүн хүнийг харуулдан Хүүгээ хүлээсэн ижий минь Цаг цагийг элээсэн Цал буурал аав минь дээ Эргэх цагийн жамыг Сөрөх л юм шиг бодлоо Ижий аав л хоёроо Мөнх л юм шиг саналаа даа